ရှောင်ဖယ်ခဲခက် ကျိုးဝိပါက် [၂]

အကျိုးဝိပါက်တော် (၄)_သုန္ဒရီ ပရိဗိုဇ်မလေးအား မြတ်စွာဘုရားနှင့် 

တပည့်သံဃာငါးရာတို့က သတ်ဖြတ်သည်ဟု တိတ္ထိတို့၏ စွပ်စွဲ ခံတော်မူခဲ့ရခြင်း။

အကြောင်းဝစီကံ_တစ်ခုသော ဘဝ၌ ဘုရားအလောင်းတော်သည်

ဗေဒင်ကျမ်းတတ် ပုဏ္ဏား ဆရာအကျော် ဖြစ်ခဲ့၏။ တောထဲတွင် တပည့်ပုဏ္ဏားငါးရာတို့အား ဗေဒင်ကျမ်းဂန်များသင်ကြားပေး
နေစဉ် ဘီမ အမည်တွင်သည့် အဘိညာဉ်ရ ရသေ့ တစ်ပါး
ရောက်ရှိလာခဲ့သည်။ ထိုရသေ့အား ပညာမာန်တက်ကာ "ကိုယ်ကျင့်သီလ မရှိသူ၊ ယုတ်မာသော အကျင့်ရှိသူ၊ ကာမ ဂုဏ်ခံစားနေသူ" စသည်ဖြင့် စွပ်စွဲပြောဆို ခဲ့လေသည်။ သူ၏ စကားကို ကြားကြကုန်သော တပည့် အပေါင်းတို့ကလည်း ဝမ်းမြောက်ဝမ်းသာ ထောက်ခံကြသည်။ အလားတူ ဝိုင်းဝန်း စွပ်စွဲခဲ့ကြသည်။ အဆင့်ဆင့်အားဖြင့် အရပ်တွင်းကပါဝိုင်းကာ စွပ်စွဲပြောဆိုကြသည်အထိ ပျံ့နှံ့သွားခဲ့တော့၏။ ယင်းဝစီကံ
ပြစ်မှားမှုကြောင့် ထိုစဉ်က တပည့်ပုဏ္ဏား များ ဖြစ်ခဲ့ကြသော သံဃာတော်ငါးရာသည် ဘုရားရှင်နှင့်အတူ စွပ်စွဲခံကြရခြင်း
ဖြစ်လေသည်။

အကျိုးဝိပါက်တော် (၅)_ ဒေဝဒတ်၏ ကျောက်မောင်းဆင်ကာ လုပ် 

ကြံမှုကြောင့် ခြေမတော် သွေးခြည်ဥ ခဲ့ရခြင်း။

အကြောင်းကာယကံ_ ရှေးဘဝ တစ်ခုတွင် အဖေတူ အမေကွဲ ညီ 

တစ်ဦးကို ပစ္စည်းဥစ္စာအကြောင်းကြောင့် တောတွင်းသို့ လိမ်
လည်ခေါ်ဆောင်ကာ ချောက်ထဲတွန်းချပြီး ကျောက်တုံးကြီးဖြင့် ဖိကျိတ် သတ်ဖြတ်ခဲ့သော ကာယကံအမှု ပြုခဲ့ခြင်းဖြစ်သည်။

အကျိုးဝိပါက်တော် (၆)_ ဒေဝဒတ်က လေးသမားများ စေလွှတ်ကာ 

သတ်ဖြတ်ရန် ကြံစည်ခံတော် မူခဲ့ရခြင်း။

အကြောင်းကာယကံ_ ရှေးရှေးကမ္ဘာတွင်၊ ဘုရားအလောင်းတော် 

သူငယ်ဘဝ လမ်းဆုံလမ်းခွ၌ ကစားနေစဉ် ဆွမ်းခံကြွဝင်တော်
မူလာသော ပစ္စေကဗုဒ္ဓါတစ်ပါးအား သိလျက်တမင် ကျောက်ခဲ
ဖြင့် ပစ်ပေါက် ခဲ့ ခြင်းဖြစ်သည်။

အကျိုးဝိပါက်တော် (၇)_နာဠာဂီရိ ဆင်ကြမ်းကြီးကို လွှတ်ပြီး သတ်ရန် 

ကြံစည်ခံတော်မူခဲ့ရခြင်း။

အကြောင်းကာယကံ_ နုစဉ်ဘဝ တစ်ခုတွင် ဘုရားလောင်းသည် 

ဆင်ထိန်းယောက်ျား ဆင်စီးသမား တစ်ဦး ဖြစ်ခဲ့၏။ ဆင်စီး လျက်အသွား လမ်းကျဉ်းတစ်ခု၌ ဆွမ်းခံကြွတော်မူလာသည့် ပစ္စေကဗုဒ္ဓါ တစ်ပါးနှင့် ရင်ဆိုင်တွေ့ ခဲ့ကြသည်။ မြင်ပါလျက် ထိပ်တိုက်တွေ့ သည်ဟုဆိုကာ ဆင်နှင့် တိုက်မည့်ဟန် ခြောက်
လှန့် ခဲ့ခြင်း ဖြစ်လေသည်။

အကျိုးဝိပါက်တော် (၈)_ ခြေမတော် သွေးချည်အုနာကို ဆရာဇီဝက၏ 

ဓါးဖြင့် အခွဲခံတော် မူရခြင်း။

အကြောင်းကာယကံ_ လွန်ခဲ့သော ဘဝတစ်ခု၌ ပတ္တိဝ သို့ မဟုတ် 

ပတ္တိကမင်း ဖြစ်ခဲ့စဉ်ခါ မိမိတွေ့မြင် လေရာ ပုဂ္ဂိုလ်တို့အား စိတ်မထင်လျှင် မထင်သလို ဓါးလှံစသည်ဖြင့် ထိုးနှက်ခဲ့ခြင်း
ဖြစ်သည်။

အကျိုးဝိပါက်တော် (၉)_မကြာခဏ ခေါင်းကိုက် ရောဂါ ခံစားတော် 

မူခဲ့ရခြင်း။

အကြောင်းကာယကံ_တစ်ခုသော အတိတ်ဘဝတွင် ကေဝတ္တ အမည်ရှိ 

တံငါရွာ၌ ဗုဒ္ဓလောင်းလျာသည် တံငါသည်၏ သား ဖြစ်ခဲ့သည်။ တံငါသည်များက ငါးများ၏ ဦးခေါင်းကို ထုလေရာ ငါးတို့ တ
လူးလူး တလွန့်လွန့် ဖြစ်နေကြသည်ကို ဝမ်းသာအားရ ဖြစ်မိ
ခဲ့ခြင်း ဖြစ်သည်။

အကျိုးဝိပါက်တော် (၁၀)_ဝါတွင်းသုံးလ ပတ်လုံး မြင်းစားဂျုံကိုသာ 

ဘုဉ်းပေးတော်မူခဲ့ရခြင်း။

အကြောင်းဝစီကံ_ဖုဿဘုရားရှင်သာသနာအခါတွင်ဖုဿဘုရားရှင်

နှင့် တပည့်သာဝကများအား အလောင်းတော်သည် "သလေး
ဆန်ကောင်းတို့ကို မစားဘဲ မုယောဂျုံကိုသာ စားကြကုန်လော့" ဟူ၍ ပြောဆိုခဲ့ခြင်း ဖြစ်သည်။

(ဆက်ပါဦးမည်)

Posted by Aye Sat