ရှောင်ဖယ်ခဲခက် ကျိုးဝိပါက် [၁]

လူသားအပေါင်းတို့သည် မသိခြင်းကြောင့် ကာယကံ၊ ဝိစီကံ၊ မနောကံ အမှုများကို ပြုခဲ့ကြသည်။ မသိသဖြင့်ဖြစ်စေ၊ သိလျက်ဖြစ်စေ ပြုခဲ့သမျှ
သော အကြောင်းကံ အားလျော်စွာ အကျိုးဝိပါကကို ရှောင်ရှားမရ ခံစား ကြရမြဲ ဖြစ်သည်။ မိမိပြုကံ မိမိထံပြန်၊ မည်သူမပြု မိမိမှုပါပေ။ သို့ဖြင့် အကြောင်းကံ များပြုကာ အကျိုးတန်ပြန် ခံယူကြရင်း ပုထုဇဉ်များမှာ သံသရာတွင် ရှည်ကြာစွာ လှည့်လည်ခဲ့ကြရတော့၏။

ဗုဒ္ဓဘုရားရှင် ဖြည့်ဆည်းခဲ့သည့် ပါရမီကုသိုလ် အကြောင်းကံများသည် အရှိန်အဟုန်ဖြင့် နောက်ဆုံးဘဝတွင် အကျိုးပေးခဲ့သည်။ လက္ခဏာ
တော် သုံးဆယ့်နှစ်ပါးမှာ သာဓကဖြစ်သည်။ ထို့အတူ၊ အကုသိုလ် အကြောင်းကံများ၏ အကျိုးအကြွင်းကိုလည်း ပေးဆပ်တော်မူခဲ့ရပြန်

သေးသည်။ အမြတ်တကာတို့၏ အမြတ်ဆုံး ဖြစ်တော်မူသော ဗုဒ္ဓသည် ဝစီကံ အပြောမှားကြောင့် ဝိပါက်တော်ငါးပါးနှင့် ကာယကံအပြုမှား
ကြောင့် ဝိပါက်တော်ခုနစ်ပါး စုစုပေါင်း တစ်ဆယ့်နှစ်ပါးသော ဝိပါက်
တော်များကို ခံယူတော်မူခဲ့ရလေသည်။

အကျိုးဝိပါက်တော် (၁)_ဘုရားစင်စစ် ဧကန်ဖြစ်ရန် ထက်သန်စွာဖြင့်

ခြောက်နှစ်တိုင်တိုင် ဒုက္ကရစရိယအကျင့်ကို ကျင့်တော်မူခဲ့ခြင်း။ ဤမျှ ဒုက္ခခံကျင့်ကြံ တော်မူခဲ့ရသည်မှာ အတိတ်ဘဝတစ်ခုက
ပြုမိခဲ့သည့် ဝစီကံဝဋ်ကြွေးကို ပေးဆပ်ရမည် ဖြစ်တော်မူသော
ကြောင့် ဉာဏ်မရင့်ကျက်မီ တောထွက်ခဲ့မိကာ အမှားကျင့်စဉ် ကို ရွေးချယ်ခဲ့မိခြင်းဖြစ်သည်။

အကြောင်းဝစီကံ_ကဿပ ဘုရားရှင် လက်ထက်တွင် ဗုဒ္ဓလောင်းလျာ 

သည် ဝေဂလင်္ဂဇနပုဒ်၌ ပုဏ္ဏားမျိုးနွယ် ဗေဒင်ကျမ်းတတ် ဇော
တိပါလ ပုဏ္ဏားလုလင် ဖြစ်ခဲ့၏။ သူငယ်ချင်းဖြစ်သူက ဘုရားဖူး
မျှော်ရန်  နည်းမျိုးစုံ  နှင့်  အကြိမ်ကြိမ် ခေါ်ဆောင်လေရာ  အ
ကြောင်းကို သိလိုစိတ်ဖြင့်လိုက်ပါသွားခဲ့သည်။ ဘုရားထံမှောက်
ရောက်ကြလေသော် "ခေါင်းတုံးထားသည့် ဤပုဂ္ဂိုလ် အတွက် အလွန်တရာ ရခဲလှသော ဗောဓိဉာဏ် ဟူသည် အဘယ်မှာ ရ
နိုင်ပါ အံ့နည်း" ဟု ပြောဆို ပြစ်မှားခဲ့ခြင်းဖြစ်သည်။

အကျိုးဝိပါက်တော် (၂)_စိဉ္စမာန မိန်းမယုတ်၏ မဟုတ်မမှန်သော 

စကားဖြင့် လူပုံအလယ်တွင် စွပ်စွဲ ခံတော် မူရခြင်း။

အကြောင်းဝစီကံ_ဘုရားအလောင်းတော်သည် နုစဉ်ဘဝတစ်ခုတွင်

သေရည်သောက်စားသူတစ်ဦးဖြစ် ခဲ့သည်။ အရှင်နန္ဒအမည်ရ ရဟန္တာအရှင်မြတ်သည် မြို့ တွင်းသို့ ဆွမ်းခံအကြွတွင် ထိုသေ
သောက်ကြူးဦးဆောင်သည့် မူးယစ်သူတစ်စုအနီးမှ ဖြတ်သန်း
ခဲ့သည်။ ခေါင်းဆောင် သေသောက်ကြူးက "ဤရဟန်းသည် သီလမရှိသူ၊ ကာမဂုဏ်ခံစားနေသူ၊ ယုတ်မာသည့် အကျင့်ရှိသူ
ဖြစ်လိမ့်မည်" စသောစကားများဖြင့် စွပ်စွဲပြောဆိုခဲ့သည်။ ယင်း ဝစီကံ အမှုကြောင့် ငရဲ၌ အနှစ်တစ်သောင်း ဆင်းရဲခံခဲ့ရသည်။ လူဖြစ် သော ဘဝများစွာ၌လည်း ကာမဂုဏ်နှင့် ပတ်သက်၍ ယိုးစွပ်ခြင်းခံခဲ့ရသည်မှာ ဘုရားဖြစ်သည့် နောက်ဆုံးဘဝ တိုင်
အောင်ပင် ဖြစ်သည်။

အကျိုးဝိပါက်တော် (၃)_သုန္ဒရီအမည်ရှိ တိတ္ထိပရိဗိုဇ်မလေး၏ ကာမ 

ဂုဏ်နှင့် ပတ်သက်၍ ထင်ယောင်ထင်မှားစွပ်စွဲခံတော်မူခဲ့ရခြင်း။

အကြောင်းဝစီကံ_ဘုရားလောင်းသည် တစ်ခုသော ရှေးဘဝတွင်မထင် 

ရှားသော မျိုးဇာတ်၌ မုနာလိ အမည်ရ သေရည် သောက်စားသူ တစ်ဦးဖြစ်ခဲ့သည်။ ပစ္စေကဗုဒ္ဓအရှင် မြို့တွင်းသို့ ဆွမ်းခံအဝင်
တွင် မုနာလိ ခေါင်းဆောင်သော အမူးသမားအုပ်စု အနီးမှ ဖြတ် လှမ်းတော်မူခဲ့၏။ မုနာလိနှင့် အပေါင်းအဖေါ်များက "ယုတ်မာ
သော အကျင့်ရှိသူ၊ ကိုယ်ကျင့်သီလ ပျက်ပြားနေသူ၊ ကာမဂုဏ် ခံစားနေသူ" ဟူသည့် စွပ်စွဲချက်များဖြင့် အရှင်မြတ်အား ဝစီကံ ယွင်းမှားမှုကို ပြုခဲ့ကြခြင်း ဖြစ်လေသည်။

(ဆက်ပါဦးမည်)

Posted by Aye Sat