Monday, August 22, 2011
စာရေးတံမဲ အလှူပွဲ
မြန်မာ့ဓလေ့အစဉ်အလာအားဖြင့် တစ်နှစ်တာတွင် ဆယ့်နှစ်လရာသီပွဲအဖြစ် တစ်လလျှင်တစ်မျိုး
ဆင်ယင် ကျင်းပခဲ့ကြလေသည်။ ငါးခုမြောက်ဆယ့်နှစ်လရာသီပွဲမှာ ၀ါခေါင်လစာရေးတံမဲပွဲ ဖြစ်
ကြောင်းဖေါ်ပြကြ၏။
စာရေးတံမဲအလှူပွဲဟူသည် မဲဖေါက်၍ လှူဒါန်းကြသောနှောင်ကြိုးကင်းသည့် သံဃိက အလှူ
ဒါနပွဲစစ်စစ် တစ်ခုပင်ဖြစ်သည်။ အခါတစ်ပါး ဘုရားရှင်သည် ရာဇဂြိုဟ်ပြည် ဝေဠုဝန်ကျောင်း
တော်၌ သီတင်းသုံး စံနေတော် မူခိုက်၊ တစ်တိုင်းပြည်လုံး မိုးခေါင်လေရာ အစားအစာခေါင်းပါး
သော ဘေးဆိုးကြီးကျရောက်ခဲ့၏။ သံဃာတော်များအား ဆွမ်းလှူဒါန်းနိုင်ရေးအတွက် အခက်
ကြုံ ခဲ့ကြရလေသည်။ လှူဒါန်းလိုသူများက အဆင်ပြေခြင်းငှါ ဆောင်ရွက်စီမံကြရတော့သည်။
တတ်စွမ်းသမျှ ထည့်ဝင်ကြကာ သံဃာတစ်ပါးနှစ်ပါး စသည်ကိုဖြစ်စေ၊ အလှူ ရှင်တစ်ဦးစီမှ
သံဃာများအား မဲစနစ်ဖြင့်ဖြစ်စေ လှူဒါန်းကြခြင်းကို ဘုရားရှင်အား ခွင့်ပြုတော်မူပါရန်ပန်ကြား
လျှောက်ထားကြလေသည်။ ဘုရားရှင်ကခွင့်ပြု တော်မူသည်နှင့်အညီ စာရေးတံမဲအလှူပွဲဟူ၍
ဖြစ်ပေါ်လာခဲ့ပေသည်။
သမိုင်းအထောက်အထားအရ၊ စာရေးတံမဲအလှူပွဲကို ၀ါခေါင်လတွင် ကျင်းပလေ့ရှိခဲ့ကြောင်း
တွေ့ ရှိရ၏။ ထိုလတွင်ဆင်ယင်ကျင်းပရခြင်းမှာ သံဃာတော်များကျောင်းတိုက်များတွင် စုစု
စည်းစည်း ၀ါကပ်နေတော်မူကြသည့် အချိန်ဖြစ်ခြင်းနှင့် မိုးတွင်းကာလ ဆွမ်းကိစ္စကြွရောက်ခြင်း အခက်အခဲရှိနိုင်သောကြောင့် ဖြ စ်နိုင်လေသည်။
မဲချကာ လှူဒါန်းသော စနစ်မှာ ယနေ့့ထက်တိုင်ပြောင်းလဲခြင်းမရှိပေ။ သို့ ရာတွင်၊ စာရေးတံမဲ၊
လှူဖွယ် ပစ္စည်းနှင့် ကျင်းပသော အချိန်ကာလတို့ ကား အသွင်ကူးပြောင်းခဲ့လေပြီ။ ရှေးယခင်
က စာရေးတံမဲအဖြစ် သစ်သားပြား၊ ၀ါးခြမ်းပြား၊ နှီးပြားနှင့်ပေရွက်စသည်တို့ ကိုအသုံးပြုခဲ့ကြ
သည်။ ယခုမူ စက္ကူ စာရွက်ကိုသာ စာရေးတံမဲ အဖြစ် သုံးစွဲနေကြတော့သည်။ လှူဖွယ်ပစ္စည်း
မှာလည်း မူလက ဆွမ်းသက်သက်မျှသာဖြစ်ခဲ့ သည်။ နောင်တွင်ဆွမ်း သပိတ်သာမက လိုအပ်
ရာရာ အသုံးအဆောင်ပစ္စည်းများဖြည့်စွက် ပါဝင်လာလေ သည်။ ကျင်းပသည့်အချိန် ကာလမှာ
လည်း ၀ါခေါင်လတွင်ဟူ၍ သီးခြားမဟုတ်တော့ချေ။ တစ်နှစ်တာ၏ မည်သည့်အချိန်တွင်မဆို
ဗုဒ္ဓပူဇနိယျပွဲ ကျင်းပချိန်များ၌ စာရေးတံမဲအလှူပွဲကို ပြုလုပ်လျက်ရှိကြသည်။
မဲဖေါက်သောပုံစံမှာလည်း တမျိုးတဖုံပြောင်းရွေ့့ကာ လာခဲ့သည်။ စတင်ခဲ့စဉ်က စာရေးတံမဲ
ပြားတွင် အလှူရှင်၏ အမည်ကိုရေးသားထားပြီး သံဃာများကနှိုက်ယူရသည်။ ထိုမှတဖန်၊
သံဃာတော်၏ ဘွဲ့ တော် ကိုရေးသား ထားသော မဲပြားကို အလှူရှင်က နှိုက်ယူရသည်။ လက်ရှိ အချိန်တွင်ကား လှူဖွယ်ပစ္စည်း အစုစု ကို ပြင်ဆင်ကာ နံပတ်စဉ်များ တပ်လျက်ပေါက်မဲအဖြစ်
ထားရှိသည်။ နံပတ်များရေးထားသော မဲကို သံဃာတော်များအား ကံစမ်းမဲဖေါက်ပေးခြင်းဖြစ်
သည်။
နိဗ္ဗာန်ကိုရည်၍ ပြုသမျှသော ကုသိုလ်အပေါင်းတို့ သည်များများပြုနိုင်လေ အထောက်အပံ့ပြု
လေပင်ဖြစ် သည်။ ထို့ ကြောင့်၊ ယခုပင်လျှင် နှလုံးသွင်းမှန်စွာဖြင့်မေတ္တာစိတ်ထား ဘာဝနာ
ပွါးကာ ကုသိုလ်များကို ပြု ကြပါရန် အကြောင်း တိုက်တွန်းလိုက်ရပေသည်။
Posted by အေးဆက်
Subscribe to:
Post Comments (Atom)
No comments:
Post a Comment