Friday, December 5, 2014

ဓမ္မသာကစ္ဆာ (၂၉)


ဘုရားရှင်၏ ဂုဏ်တော်
ဘုရားရှင်လက်ထက်က ကာရဏပါလီ အမည်ရ ပုဏ္ဏားတစ်ဦးသည်
ဝေသာလီပြည်၊ လိစ္ဆဝီမင်းတို့၏ အလုပ်ကို လုပ်နေစဉ် အဝေးမှလာ
သော ပိင်္ဂိယာနီပုဏ္ဏားကို မြင်တွေ့သော် မေးမြန်းစကားဆိုလေသည်။

ကာရဏပါလီ

အရှင်၊ ဘယ်ကလာသလဲ။
ပိင်္ဂိယာနီ
ရဟန်းဂေါတမ ထံမှပြန်လာတာဖြစ်တယ်။
ကာရဏပါလီ
ရဟန်းဂေါတမရဲ့ပညာအစွမ်းကို အရှင်ဘယ်လိုထင်သလဲ၊ ပညာရှိတစ်ဦးပဲ ထင်ပါရဲ့။
ပိင်္ဂိယာနီ
ကျွန်ုပ်က ဘယ်လိုလူမို့လဲ၊ ဘယ်လောက်တော်တဲ့ သူမို့ ရဟန်း
ဂေါတမရဲ့ပညာစွမ်းကို သိနိုင်ရမှာလဲ၊ ရဟန်းဂေါတမရဲ့ပညာ
စွမ်းကို သိသူမှာ ရဟန်းဂေါတမလို ပုဂ္ဂိုလ်မျိုးသာ ဖြစ်ရပေ မပေါ့။
ကာရဏပါလီ
အရှင်ကား၊ ရဟန်းဂေါတမအား ကောင်းမြတ်မွန်ရည်လှတဲ့ ချီးမွမ်းခြင်းဖြင့် ချီးမွမ်းနေတာ ဖြစ်ပါတယ်။ ဘယ်လိုအကျိုးထူး ကို မြင်လို့ ရဟန်းဂေါတမကို ကြည်ညိုရပါသလဲ။
ပိင်္ဂိယာနီ
အမောင်၊ အကောင်းဆုံး အရသာများဖြင့် ဝအီနေတဲ့ ယောက်ျား ဟာ တခြားညံ့ဖျင်းတဲ့ အရသာတွေကို မလိုလား မနှစ်သက်
တော့ပါ။ ထို့အတူ ရဟန်းဂေါတမ ဘယ်ပုံဟောသည်ဖြစ်စေ တရားကို နာရသော် ထိုတရားမှတစ်ပါး အခြားသမဏ၊ ဗြဟ္မဏ တို့ရဲ့ အယူဝါဒကို မလိုလား မနှစ်သက်တော့ပါ။

အမောင်၊ ဆာလောင်တဲ့အတွက် အားနည်းနေတဲ့ ယောက်ျား ဟာ ပျားမုန့်ဆုပ်ကို ရတဲ့အခါ ဘယ်နေရာကို လျက်လျက်
ကောင်းမွန်
ချို မြတဲ့ အရသာကို ရနေတာသာဖြစ်တယ်။ ထို့အတူ ရဟန်းဂေါတမ ရဲ့တရားကို ဘယ်ပုံနာရနာရ ထိုတရား မှနေ၍ နှစ်သက်ခြင်း၊ စိတ်ကြည်လင်ခြင်းတို့ကို ရနေသည် သာဖြစ်ပါတယ်။
ကာရဏပါလီ
ဆက်ပြောပါပုဏ္ဏား၊ နားထောင်နေပါတယ်။
ပိင်္ဂိယာနီ
အမောင်၊ စန္ဒကူးရွှေဖြစ်စေ၊ စန္ဒကူးနီဖြစ်စေ၊ စန္ဒကူးတုံးရဲ့ 
အရင်း၊ အဖျား၊ အလယ် သုံးသွယ်တို့တွင် ကြိုက်ရာက နမ်း ရှူစေ မွှေးကြိုင်သော ရနံ့ ကို ရလျက်သာ ရှိပါတယ်။ ထို့အတူ ရဟန်းဂေါတမ၏ တရားကို ဘယ်ပုံနာရနာရ ထိုတရားမှနေ၍ ဝမ်းမြောက်ခြင်း၊ စိတ်ရွှင်ပျခြင်း
တို့ ရလျက်သာ ရှိပါတယ်။
အမောင်၊ အပြင်းအထန် ရောဂါကပ်ရောက်လို့ ဒုက္ခဖြစ်နေတဲ့
ယောက်ျားအား ကျွမ်းကျင်တဲ့ ဆေးဆရာဟာ တခဏချင်း
ရောဂါ
ပျောက်ငြိမ်းစေသလို ရဟန်းဂေါတမ ဘယ်နည်းနဲ့ မဆို
ဟောတဲ့ တရားဖြစ်စေ၊ နာကြားရရင် ထိုတရားကြောင့် စိုးရိမ် ပူဆွေး ငိုကြွေး
ခြင်း၊ ကိုယ်ဆင်းရဲ၊ စိတ်ဆင်းရဲများ ငြိမ်းပျောက်
ခြင်း အဖြစ်သို့ ရောက် ရတာသာ ဖြစ်ပါတယ်။
အမောင်၊ နွေအပူဒဏ် ခံရလို့ ပင်ပန်းနွမ်းနယ်ကာ ရေဆာနေ တဲ့ယောက်ျားဟာ အေးကြည်ချို မြတဲ့ ရေရှိပြီး ဆိပ်ကမ်းသာယာ
မွေ့ လျော်ဖွယ်ရေကန်သို့ ရောက်လာကာ ထိုရေကန်တွင်း သက်ဆင်း ပြီး ရေချိုး ရေသောက်ရသော် အပူအပန်မှန်သမျှ
အေးမြငြိမ်းစဲခြင်း
ဖြစ်ရပါတယ်။ ထို့အတူ ရဟန်းဂေါတမ ဘယ်နည်းနဲ့ ဟောသည်ဖြစ်စေ နာကြားရသူမှာ ထိုတရား
ကြောင့် အပူအပန်ဟူသမျှ ငြိမ်းရသည်သာ
ဖြစ်ပါတယ်။
ဤသို့  ပိင်္ဂိယာနီထံမှ ဘုရားရှင်၏ ဂုဏ်တော်များကို နာကြားရသော ကာရဏပါလီသည် နေရာမှထကာ လက်ဝဲပခုံးထက် ကိုယ်ရုံတဘက် တင်လျက် လက်ျာဒူးကို မြေမှာထောက်ပြီးလျှင် ဘုရားရှင်ရှိရာလက်အုပ် ချီ၍ ကန်တော့လိုက်လေတော့သည်။
စာကိုး။ ဗုဒ္ဓဘာသာလက်စွဲကျမ်း၊ ပထမတွဲ။ သာသနာရေးဦးစီးဌာန၊ ၂ဝဝ၈။
 

Posted by အေးဆက်

Tuesday, December 2, 2014

ထေရဝါဒ ဟောဓမ္မ (၃၉)


မာလာစာရ၊ ဘဒ္ဒန္တ (ညောင်ပင်သာဆရာတော်)။ စိတ်ကိုဆုံးမ နိဗ္ဗာန်ရ။ စင်္ကာပူ၊ ၇ မေ ၂ဝ၁၃။
ယောဂီကျင့်ရမည့်အချက် (၆) ချက်၊ ခန္ဓာနှစ်မျိုး နှင့် မျက်စိနှစ်ခု၊ စိတ်၏ သဘော၊ ရှုမှတ်ရမည့် စိတ်တစ်ဆယ့်သုံးမျိုးစသည့် တရားများပါရှိ၏။ http://goo.gl/ytwtQE
ဝါသေဋ္ဌာဘိဝံသ၊ အရှင် (ကျောက်တစ်လုံးဆရာတော်)။ တရားနှင့်သာ ချမ်းသာရှာ။ ၂၂ မေ ၂ဝဝ၆။
လူလေးမျိုး၊ နိဗ္ဗာန်ဟူသည်၊ တရားတော်၏ သတ္တိနှင့် တရားရှာ
ခြင်းဖြင့်သာ ချမ်းသာရနိုင်ကြောင်း တို့ကို ရှင်းလင်းဟောကြား ထားသည်။ http://goo.gl/ryppYJ

ဣန္ဒာစာရာဘိဝံသ၊ အရှင်။ အကြွေးကင်းမှ ချမ်းသာရ။ လှည်းကူး၊ ၉ ဇန္နဝါရီ ၂ဝဝ၅။
ဣဏသုတ္တန်ကို အခြေခံလျက် အကြွေးနှစ်မျိုး၊ ကြွေးယူရခြင်း သည် ဆင်းရဲလှကြောင်း၊ ဓမ္မကြွေးတင်ပုံ၊ သဒ္ဒါတရား၏
လက္ခဏာသုံးပါး၊ ဒါနကုသိုလ် မပြုခြင်းအကြောင်းနှစ်ပါး၊ မစ္ဆရိယငါးမျိုး၊ ဝီရိယလေးပါး၊ ဓမ္မကြွေးကင်းရန် သတိပဋ္ဌာန်စ သည့် တရားများကို ဆောင်ပုဒ်နှင့် သာဓကများဖြင့် ရှင်းလင်း
ဖေါ်ပြထားသည်။ http://goo.gl/EMCzhq

Posted by ဉာဏ်ဦး၊ အေးဆက်

Tuesday, November 25, 2014

ဓမ္မသုတ (၄၅)


ဗုဒ္ဓ ကိုယ်တော်တိုင် တရားနာခြင်း
အခါတစ်ပါး၌ မြတ်စွာဘုရားသည် နန္ဒမထေရ် တရားဟောရာ
အရပ်သို့ သွား၍ ညဉ့်သုံးယံပတ်လုံး တရား နာကြားတော်မူ၏။
ထို့နောက် သာဓုခေါ်တော်မူလေသည်။
ထိုအခါ နန္ဒမထေရ်သည် ရပ်လျက် တရားနာနေသည့် ဘုရားရှင်
ကို မြင်လေသော် အနားသို့ ရောက်လာပြီး လက်အုပ်ချီမိုး ရိုကျိုး
ကာ_"အရှင်မြတ်ဘုရား၊ အရှင်မြတ်သည် ထူးမြတ်သိမ်မွေ့ခြင်း
ရှိတော်မူပါလျက် လွန်စွာပြုနိုင်ခဲသော အမှုကို ပြုတော်မူပါဘိ
ဘုရား” ဟုလျှောက်ထား၏။ ထိုအခါ ဗုဒ္ဓက "ချစ်သား နန္ဒ၊ သင်
သည် တစ်ကမ္ဘာပတ်လုံး တရားဟော နိုင်စွမ်းအံ့၊ ငါဘုရားသည်
လည်း တစ်ကမ္ဘာပတ်လုံး ရပ်လျက်ပင် တရားနာတော်မူအံ့” ဟု
မိန့်တော်မူလေ၏။
ဤသာဓကကို ထောက်လျှင် ဗုဒ္ဓဘာသာဝင်တိုင်း ရိုရိုသေသေ
လေးလေးစားစား တရားတော်မြတ်ကို အခွင့်သာခိုက် နာကြား
လိုက်နာသင့်လှပါပေစွတကား။
 

Posted by ဉာဏ်ဦး

Sunday, November 23, 2014

ဓမ္မပဒ ၇၂ [ခုဒ္ဒကနိကာယ်]


၅ - ဗာလဝဂ်၊ လူမိုက်တရားတော်များ
၁၃ - သဋ္ဌိကူဋပေတဝတ္ထု

ယာဝဒေဝ အနတ္ထာယ၊ ဉ တ္တံ ဗာလဿ        ဇာယတိ။
ဟန္တိ ဗာလဿ        သုက္ကံသံ၊ မုဒ္ဓ မဿ        ဝိပါတယံ။
၇၂။ သူမိုက်၏ အတတ်ပညာသည် သူမိုက်အား အကျိုးမဲ့ရန် အတွက်သာ ဖြစ်၏။ ကုသိုလ်အဖို့ အစုကို ဖျက်ဆီး၏။ ပညာဦးထိပ်ကို ပြတ်၍ ကျစေတတ်၏။
 

Posted by ဉာဏ်ဦး

Thursday, November 20, 2014

ဓမ္မပဒ ၇၁ [ခုဒ္ဒကနိကာယ်]

၅ - ဗာလဝဂ်၊ လူမိုက်တရားတော်များ
၁၂ - အဟိပေတဝတ္ထု

န ဟိ ပါပံ ကတံ ကမ္မံ၊ သဇ္ဇုခီရံဝ မုစ္စတိ။
ဍဟန္တံ ဗာလမနွေတိ၊ ဘသ္မစ္ဆန္နောဝ ပါဝကော။
၇၁။ ညှစ်ပြီးစ နို့ရည်သည် ပြကတေ့သဘောမှ ရုတ်တရက် မပြောင်းလဲ သကဲ့သို့ ပြုသစ်စဖြစ်သော မကောင်းမှုသည် (ရုတ်တရက်) အကျိုးမပေး
သေး၊ (အကျိုးပေးသောအခါ) ပြာဖုံးသော မီးခဲကဲ့သို့ သူမိုက်ကို လောင် ကျွမ်းစေလျက် အစဉ်လိုက်၏။
 

Posted by ဉာဏ်ဦး

Friday, November 14, 2014

ဘဝနေဟန် တရားမှန် (၂၁)


အောင်မြင်ရေး အခြေအနေလေးရပ်
 

အလိုရှိသမျှ ပြည့်စုံစေရန် အခြေခံအကြောင်းရင်းလေးရပ် လိုအပ်သည်။ ယင်း အခြေအနေလေးမျိုးနှင့် ပြည့်စုံသူသည် အချိန်တိုအတွင်းမှာပင် စီးပွားရေး စသည်၌ အောင်မြင်သူဖြစ်ရ၏။ စီးပွားဥစ္စာ အခြံအရံ အကျော် အစောများဖြင့် ပေါ်လွင်ထင်ရှားသူ ဖြစ်ရ၏။ 
ယင်းအခြေအနေများကား_
၁။ စီးပွားရေး၊ ဘာသာရေးစသည် အောင်မြင်တိုးတက်နိုင်
     သော အရပ်ဒေသ၌ အခြေချနေထိုင်ရခြင်း၊

၂။ ဘုရားအစရှိသော သူတော်ကောင်းနှင့် ပညာရှင် မိတ်ဆွေ
     ကောင်း အပေါင်းအသင်းများ ရရှိခြင်း၊

၃။ မိမိကိုယ်ကို လူတော်လူကောင်း ဖြစ်အောင် ကောင်းစွာ
     ပြုပြင်ပေး
ရခြင်း၊
၎။ ရှေ့ပိုင်းကာလ ရှေးရှေးဘဝက ဖြည့်ကျင့်ဆည်းပူးခဲ့သော
     ကောင်းသော လုပ်ဆောင်မှုများ ရှိရခြင်းတို့ဖြစ်သည်။
နောက်ဆုံးအခြေအနေနှင့် ပြည့်စုံရန်မှာ အဓိကအကျဆုံးဖြစ်သည်။ ယင်းအချက်နှင့် ပြည့်စုံမှသာကျန်အချက်များလည်း ပြည့်စုံနိုင်မည်
ဖြစ်သောကြောင့်ပင်တည်း။
သို့ပါ၍ လောကီ လောကုတ္တရာ ကြီးပွားတိုးတက်ရေး၌ ဘက်စုံ
အောင်မြင်သူ တစ်ယောက်ဖြစ်ရန် အခြေခံ အကြောင်းရင်းဖြစ်သော
ကောင်းမှုလုပ်ငန်းများကို ကြိုးပမ်းအားထုတ်ကြရပေသည်။ 

စာကိုး။ ဗုဒ္ဓဒေသနာတော် ဝေါဟာရအဘိဓါန်။ သာသနာရေးဦးစီးဌာန၊ ၁၉၉၆။  

Posted by အေးဆက်

Wednesday, November 5, 2014

ဓမ္မသာကစ္ဆာ (၂၈)

အသိနှင့် အကျင့်
တစ်နေ့သောအခါဝယ် သောဏဒဏ္ဍ ပုဏ္ဏားကြီးသည် တပည့်အပေါင်း
နှင့်အတူ မြတ်စွာဘုရားထံမှောက် ရောက်ရှိလာကာဆွေးနွေးစကား
ပြောကြားလေသည်။
ပုဏ္ဏား

သမဏလို့ ခေါ်ခြင်းရဲ့ အကြောင်းရင်းတွေကို သိလိုပါတယ် ဘုရား။
ဘုရား 
အမောင်တို့ဟာ အဘယ်အမျိုးအနွယ်များ ဖြစ်ကြပါသလဲ။
ပုဏ္ဏား
ဗြဟ္မဏမျိုးဖြစ်ပါတယ်ဘုရား။
ဘုရား
ဗြဟ္မဏလို့ခေါ်ရတဲ့ အခြေခံ အရည်အချင်းက ဘာတွေလဲ ပုဏ္ဏားကြီး။
ပုဏ္ဏား
၁။ အမျိုးဇာတ် သန့်ရှင်းခြင်း၊
၂။ ဥပဓိရုပ် သပ်ရပ်တင့်တယ်ခြင်း၊
၃။ ဝေဒသုံးပုံ တတ်ကျွမ်းခြင်း၊
၎။ ကိုယ်ကျင့်သီလ ကောင်းခြင်းနဲ့ 
၅။ ပညာတတ်ခြင်းဆိုတဲ့ အခြေခံအရည်အချင်း ငါးမျိုးရှိမှ ဗြဟ္မဏလို့ခေါ်ရပါတယ်ဘုရား။
ဘုရား
အမျိုးဇာတ် သန့်ရှင်းခြင်းဆိုတဲ့ အချက်ကို လျှော့ပြီး ကျန်တဲ့ အရည်အချင်းလေးခုနဲ့ ဗြဟ္မဏ မဖြစ်နိုင်ဘူးလား။
ပုဏ္ဏား
အမျိုးဇာတ်က အရေးမကြီးလှပါ။ ကျန်လေးခုရှိရင် ဗြဟ္မဏ
ပဲပေါ့ဘုရား။
ဘုရား
ဥပဓိရုပ် သပ်ရပ်တင့်တယ်မှု မရှိရင်ကော မဖြစ်ဘူးလား ပုဏ္ဏားကြီး။
ပုဏ္ဏား
ဥပဓိရုပ် ကောင်းကောင်း၊ မကောင်းကောင်း ဝေဒသုံးပုံ
တတ်ကျွမ်းမယ်၊ သီလနဲ့ ပညာလဲ ကောင်းမယ်ဆိုရင်
ဗြဟ္မဏ
ဖြစ်နိုင်ပါတယ်ဘုရား။
ဘုရား
ဒါဖြင့် ဝေဒသုံးပုံကိုဖယ်၊ သီလနဲ့ ပညာပဲရှိရင် ဗြဟ္မဏ မဖြစ်နိုင်ဘူးလား။
ပုဏ္ဏား
ဖြစ်နိုင်ပါတယ်ဘုရား။
ဘုရား  
သီလနဲ့ ပညာ ဒီနှစ်ခုထဲက တစ်ခုခုကို လျှော့ရင်ကော
ဗြဟ္မဏ
ဖြစ်နိုင်သေးလားပုဏ္ဏား။
ပုဏ္ဏား
ဒီနှစ်ခု၊ ဘယ်ဟာကိုမျှ လျှော့လို့ မရတော့ပါဘုရား။
ဘုရား
လူ့ ပြည်နတ်ရွာ လောကဓါတ် တစ်ခုလုံးမှာ အမျိုးဇာတ်ကို အမြတ်ထား ပြောလေ့ရှိကြတယ်။ မင်းကျင့်တရား ဆယ်ပါး
ကို ကျင့်နိုင်တဲ့အတွက် မင်းမျိုးဟာ အမြတ်ဆုံးဖြစ်တယ်လို့
ဆိုတယ်။ စင်စစ် ဘယ်အမျိုးကပဲဖြစ်စေ အသိပညာနဲ့ 
ကိုယ်ကျင့်သီလ ပြည့်စုံသူသာအမြတ်ဆုံးဖြစ်ပေတယ်။ အသိနဲ့ အကျင့်ဟာ အဓိကအကျဆုံး လူ့ဘဝတန်ဖိုးပေပဲ။
သီလနဲ့ ပညာ ကင်းကွာသွားသူဟာ ဘယ်လိုမှ ကောင်းနိုင်
ဖွယ်ရာ မရှိတော့ဘူး။ ပညာကို သီလနဲ့ တည်ဆောက်ရတယ်။ သီလကိုလဲ ပညာနဲ့ တည်ဆောက် ရမှာ ဖြစ်တယ် ပုဏ္ဏားတို့။
ပုဏ္ဏား
အလွန်မှန်ကန် သင့်မြတ်လှပါတယ် အရှင်ဘုရား။
စာကိုး။   ဉာဏိဿရ၊ ဒေါက်တာအရှင်။ သီလအကျိုးပြ တရားတော်။ 

Posted by အေးဆက်