အသေမမေ့သူ
ယက္ကန်းသည်မလေး တစ်ဦးသည် "အသက်ရှင်ခြင်းသည်မမြဲ၊ သေခြင်းတရားသည်သာမြဲသဖြင့် မမေ့ကြရန် အကြောင်း" ဗုဒ္ဓ၏ တရားတော်ကို ကာလတစ်ခု၌ နာကြားခဲ့ရဖူးလေသည်။ ထိုအချိန် မှစ၍ သေခြင်းတရားကို မပြတ်ဆင်ခြင်လျက်သာနေလာခဲ့၏။ နှစ်အနည်းငယ်ကြာသော်၊ ထို သတို့သမီးနေထိုင်ရာအရပ်သို့ ဘုရားရှင် ကြွရောက်တော်မူလာခဲ့သည်။ သို့ သော်၊ ယက္ကန်းသည် မလေးသည် မအားလပ် လွန်းရကား တရားနာသွားခွင့် မသာချေ။ ဖခင်၏ စေခိုင်းချက်အရ အိမ်မှယက်ဖေါက် သွားယူအပြီး ယက္ကန်းစင်သို့  ပြန်လာခဲ့စဉ် တရားပွဲနားအရောက်တွင် တရား နာလိုသောစိတ်ကြောင့်ရပ်ကာနေမိရှာ၏။ ဘုရားရှင်က ခေါ်တော်မူသဖြင့် ၀င်ရောက် ထိုင်လိုက် အပြီးတွင် ဘုရားရှင်နှင့် အပြန်အလှန် စကားဆိုခဲ့ကြသည်။
မြတ်စွာဘုရား........... ချစ်သမီး ဘယ်ကလာတာလဲ။
ယက္ကန်းသည်မလေး... မသိပါဘုရား။
မြတ်စွာဘုရား........... ဘယ်ကိုသွားမှာလဲ။
ယက္ကန်းသည်မလေး... မသိပါဘုရား။
မြတ်စွာဘုရား........... မသိဘူးလား။
ယက္ကန်းသည်မလေး... သိပါတယ်ဘုရား။
မြတ်စွာဘုရား........... သိရဲ့လား။
ယက္ကန်းသည်မလေး... မသိပါဘုရား။
တရားနာ ပရိဿတ်များသည် ယက္ကန်းသည်မလေး၏ အဖြေစကားများကို ဘ၀င်မကျ နားမရှင်း
ဖြစ်ကြသည်။ ဘုရားရှင်ကို မေးမြန်းကြသဖြင့်ယက္ကန်းသည်မလေးကို ပြန်လည်ဖြေကြားစေတော်
မူသည်။
ဖြစ်ကြသည်။ ဘုရားရှင်ကို မေးမြန်းကြသဖြင့်ယက္ကန်းသည်မလေးကို ပြန်လည်ဖြေကြားစေတော်
မူသည်။
မြတ်စွာဘုရား........... ချစ်သမီး၊ သင်ဟာ အိမ်ကပြန်လာတာ ဖြစ်ပါလျက် "ဘယ်က
လာတာလဲ" ဆိုတဲ့ငါဘုရားရဲ့ အမေးကို "မသိပါ" လို့ ဘာကြောင့်ဖြေရတာလဲ။
ယက္ကန်းသည်မလေး... သဗ္ဗညုတဥာဏ်တော်အရှင်သူမြတ်ဘုရားသည် ဤအမေးကို
အကြောင်းမဲ့မေးတော်မူသည်ဟုမယူဆပါ။ ဘယ်ဘ၀ကလာကြောင်းမေးတာဖြစ်တယ်လို့ မှတ်ယူမိတဲ့အတွက်"မသိပါ"ဟုဖြေခဲ့ပါတယ်အရှင်ဘုရား။
မြတ်စွာဘုရား........... "ဘယ်ကိုသွားမှာလဲ" ဆိုတာကို ဘာကြောင့် "မသိပါ" လို့  ဖြေသလဲ။
ယက္ကန်းသည်မလေး... သေလွန်ပြီးတဲ့နောက်မှာဘယ်ဘ၀ကိုသွားမှာလဲဆိုတာကိုမေးတော်
မူတာဖြစ်တဲ့အတွက်မသိကြောင်း ဖြေတာဖြစ်ပါတယ်အရှင်ဘုရား။
မြတ်စွာဘုရား........... "မသိဘူးလား" ဆိုတာကို "သိပါတယ်" လို့  ဖြေတာကျတော့ကောချစ်သမီး။
ယက္ကန်းသည်မလေး... "သေမယ်ဆိုတာမသိဘူးလား" လို့  ဆိုလိုတဲ့အတွက် "သိပါတယ်"
လို့ ဖြေတာဖြစ်ပါတယ်အရှင်ဘုရား။
မြတ်စွာဘုရား........... "သိရဲ့လား" မေးတော့ "မသိဘူး" လို့ ဆိုပြန်တယ်။ ဘာကြောင့်လဲ။
ယက္ကန်းသည်မလေး..."ဘယ်အချိန်မှာသေမယ်ဆိုတာသိရဲ့လား" လို့ မေးတာကြောင့် မသိတဲ့
အကြောင်းဖြေတာသာဖြစ်ပါတယ်အရှင်ဘုရား။
မြတ်စွာဘုရား........... ဒီမျှဆိုပရိဿတ်အပေါင်းတို့ ရှင်းလင်းလောက်ပြီဖြစ်တယ်။ သင်တို့ 
သည်လဲ ဒီယက္ကန်းသည်မလေးလိုပဲ ကိုယ့်အသေကိုယ်ဘယ်သောအခါမှမမေ့ကြဖို့ 
ငါဘုရား အထူးမှာကြားတော်မူလိုတယ်။
ပရိဿတ်များ........... မှန်လှပါအရှင်ဘုရား။
သာဓု.... သာဓု.... သာဓု
Posted by အေးဆက်
No comments:
Post a Comment