Saturday, March 26, 2011

ဓမ္မသုတ [၂]



ခန္ဓာငါးပါး ရုပ်နာမ်တရား
ရူပက္ခန္ဓာ
ပြုပြင်ဆေးသုတ် ပေါင်းထုတ်မွမ်းမံ၊
ဤုရုပ်ထိုရုပ် ရေမြှုပ်သဏ္ဌာန်၊
မခိုင်မြဲလိုႛ ဆင်းရဲပူပန်၊
အကာကျ သာရကင်းမဲ့ပြန်။
ဝေဒနာက္ခန္ဓာ
သာယာနှစ်သက် ခံခက်နှစ်တန်၊
ဝေဒနာစက် ရေပွက်သဏ္ဌာန်၊
မခိုင်မြဲလိုႛ ဆင်းရဲပူပန်၊
အကာကျ သာရကင်းမဲ့ပြန်။
သညာက္ခန္ဓာ
အကောင်းအဆိုးနဲႛ ကြောင်းကျိုးမှတ်ရန်၊
သညာနာမ်ဓာတ် တံလျှပ်သဏ္ဌာန်၊
မခိုင်မြဲလိုႛ ဆင်းရဲပူပန်၊
အကာကျ သာရကင်းမဲ့ပြန်။
သင်္ခါရက္ခန္ဓာ
ပြုပြင်ပြောင်းလွဲ ဖေါက်လွဲဖေါက်ပြန်၊
သင်္ခါရက်ခေၞ ငှက်ပျောသဏ္ဌာန်၊
မခိုင်မြဲလိုႛ ဆင်းရဲပူပန်၊
အကာကျ သာရကင်းမဲ့ပြန်။
ဝိညာဏက္ခန္ဓာ
ဝိညာဏ်ဖေါက်ပြား မှောက်မှားစေရန်၊
ဝိညာဏ်လက်နက် မျက်လှည့်သဏ္ဌာန်၊
မခိုင်မြဲလိုႛ ဆင်းရဲပူပန်၊
အကာကျ သာရကင်းမဲ့ပြန်။
<အရှင် ဇဝန (မေတ္တာရှင်) ရွှေပြည်သာ ၏ ဝိပဿနာ>
ရုပ်နာမ်
ရုပ်နာမ်တရား၊ အစားစားတည်း၊ များနှင့်မဆိုင်၊
ကိုယ်သာဆိုင်၍၊ ကိုယ်ပိုင်ဖြစ်သော၊ ထိုသဘော၊
မှတ်လေသဘာဝ လက္ခဏာတည်း။
<အရှင် ဇနကာဘိဝံသ (ချမ်းမြေႚ ဆရာတော်) ၏ သဘာဝလက္ခဏာ နှင့် သာမညလက္ခဏာ>

Posted by Nyan U

Saturday, March 19, 2011

ဓမ္မသုတ [၁]


တရားဆိုတာ
သတ္တဝၝကိုစ၊ မောဟက၊ မှတ်ကြမသိတာ။
တရားဆိုတာ၊ နာရမှာ၊ နာမှသိလေမှာ။
သိပါလေမှ၊ ကျင့်ပါရ၊ ကျင့်မှပြင်နိုင်မှာ။
ပြင်ပါလေမှ၊ ပြောင်းနိုင်ရ၊ ပြောင်းမှကောင်းလေမှာ။
ပြောင်းပါလေမှ၊ ကောင်းလေရ၊ ကောင်းမှတရားပါ။
မသိမြင်က၊ ဖြစ်ပေၞကြ၊ လည်ကြပတ်ကြမှာ။
မသိမြင်က၊ တွယ်တတ်ကြ၊ တွယ်ကဘေးဖြစ်မှာ။
မသိကပတ်၊ သိကပြတ်၊ ပြတ်မှဘေးကင်းမှာ။
သိရန်ရှုရ၊ ရှုဉာဏ်မှ၊ သိရဉာဏ်ပေၞလာ။
သိရမည်မှာ၊ ရုပ်နာမ်သာ၊ သူငါမဟုတ်ပါ။
ရုပ်နာမ်သိက၊ ပြယ်ကြရ၊ ပြယ်ကလွတ်မြောက်မှာ။
ပြယ်ဆိုသည်မှာ၊ အဝိဇ္ဇာ၊ တဏှာကုန်ကင်းတာ။
အဝိဇ္ဇာတဏှာ၊ ကုန်လေရှာ၊ အေးရွာနိဗ္ဗာန်ရောက်လေမှာ။
<ဦးပညာဇောတ (ဓမ္မဒူတ၊ တောင်စွန်း) ၏ ကမ္ဘာအစ နှင့် သတ္တဝါအစ>

တရားနာသင့်ချိန်
တရားတော်မြတ်၊ ကျင့်လိုလတ်၊ တရားနာသင့် ချိန်ခါမည်။
စိတ်တွေလှုပ်ရှား၊ ပျံႚလွင့်ငြား၊ တရားနာသင့် ချိန်ခါမည်။
အမှန်အမှား၊ သိလိုလား၊ တရားနာသင့် ချိန်ခါမည်။
သံသယများ၊ ကင်းလိုလား၊ တရားနာသင့် ချိန်ခါမည်။
အကြံဆိုးများ၊ လွှမ်းမိုးထား၊ တရားနာသင့် ချိန်ခါမည်။
အလုပ်အကိုင်များ၊ အားချိန်ကား၊ တရားနာသင့် ချိန်ခါမည်။
စိတ်ဆိုးနေငြား၊ ဒေါသပွါး၊ တရားနာသင့် ချိန်ခါမည်။
<ဒေါက်တာ အရှင်ပညိဿရ ၏ လွတ်လမ်းကိုရှာ တရားနာ တရားတော်>

Posted by အေးဆက်

Saturday, March 12, 2011

ဓမ္မသာကစ္ဆာ (၂)


ပြည်နိဗ္ဗာန်သို့ 

အခါတစ်ပါး၌ မြတ်စွာဘုရားသည် ဂင်္ဂါ မြစ်၏ မြောက်ဖျားတွင်ရှိသော ကောသမ္ဘီမြို့အနီးတွင် သီတင်းသုံးလျက်ရှိသည်။ ၀ါဆိုဝါခေါင်ကာလဖြစ်၍ မြစ်ကမ်းတွင် ရေများပြည့်လျှံနေချိန်ဖြစ် သည်။ မြတ်စွာဘုရားထံမှောက်၌ ပရိဿတ်လေးပါး စုံညီစွာရှိနေစဉ် မြစ်ညာဖက်မှ အလွန်
ကြီးမားသော ကျွန်းသားတုံးကြီးတစ်တုံး မျောလာသည်ကို ဘုရားရှင် တွေ့ မြင်တော်မူသည်။ အနှီကျွန်းသားတုံးကြီးကို အကြောင်းပြု ၍ ဘုရားရှင်နှင့် ရဟန်းတစ်ပါးတို့  ဆွေးနွေးစကား   ပြောကြားကြခြင်းဖြင့် ရောက်ရှိနေသူများအားလုံး တရားစကားနာကြားခွင့် ရခဲ့ကြလေသည်။
မြတ်စွာဘုရား__ရဟန်းတို့  မြစ်ညာကမျောလာတဲ့ အလွန်ကြီးမားသော ကျွန်းသားတုံးကြီးကို 
မြင်ကြရဲ့လား။
ပရိဿတ်__ မြင်ကြပါတယ်ဘုရား။
မြတ်စွာဘုရား__ဒီကျွန်းသားတုံးကြီးဟာ အင်္ဂါရှစ်ချက်နဲ့  ညီညွတ်ရင် သမုဒ္ဒရာထဲကိုရောက် 
မှာ ဧကန်မုချသေချာတယ်။
ရဟန်း__အင်္ဂါရှစ်ချက် ဆိုတာ ဘယ်ဟာတွေပါလဲဘုရား။
မြတ်စွာဘုရား__အကယ်၍ ဒီသစ်တုံးကြီးဟာ () ဒီဖက်ကမ်းကို ကပ်မနေခဲ့ရင် () ဟိုဖက်  
ကမ်းကိုလဲကပ်မနေခဲ့ရင် () ရေလယ်ခေါင်မြုပ်မသွားခဲ့ရင် () ကုန်းပေါ်သောင်ပေါ်  
မှာ တင်မနေခဲ့ရင် () လူဆယ်ယူမခံခဲ့ရရင် () နတ်ဘီလူးတွေ အဆယ်မခံခဲ့ရရင်  
() ၀ဲလှည့် မခံခဲ့ရရင် () အတွင်းပုပ်ဆွေးမသွားခဲ့ရင် သမုဒ္ဒရာထဲကို ဧကန်မုချ  
ရောက်လိမ့်မယ်။ အလားတူပဲ ဒီအင်္ဂါရှစ်ချက်နဲ့  ညီအောင်နေနိုင်သူဟာ နိဗ္ဗာန်ကို 
မုချသေချာ ရောက်မှာဖြစ် တယ်။
ရဟန်း__'ဒီဖက်ကမ်း' ဆိုတာ ဘာပါလဲဘုရား။
မြတ်စွာဘုရား__'ဒီဖက်ကမ်း' ဆိုတာ အတွင်းအာယတန ()ပါး ဖြစ်တယ်။ မျက်စိ၊ နား၊ 
နှာခေါင်း၊ လျာ၊ ကိုယ်၊ စိတ် ဆိုတဲ့ခန္ဓာကိုယ်တွင်းမှာ ဖြစ်တဲ့ အာယတနတွေပဲ။
ရဟန်း__'ကပ်' ဆိုတာက ဘာပါလဲဘုရား။
မြတ်စွာဘုရား__'ကပ်' ဆိုတာက ဒီအတွင်း အာယတနတွေကိုသဘောကျ နှစ်သက်ရင် 
လောဘနဲ့ ကပ်တာဖြစ်တယ်၊ မနှစ်သက်ရင်ဒေါသနဲ့  ကပ်တာဖြစ်တယ်၊ ဒါဆို  
နိဗ္ဗာန်ကို မရောက်နိုင်တော့ဘူး။
ရဟန်း__'ဟိုဖက်ကမ်း' ဆိုတာ ဘယ်လိုဟာပါလဲဘုရား။
မြတ်စွာဘုရား__'ဟိုဖက်ကမ်း' ဆိုတာ အပြင်အာယတန()ပါးကို ဆိုလိုတယ်။ အဆင်း၊
အနံ့၊ အသံ၊ အရသာ၊ အတွေ့ အထိ၊ သဘော စတာတွေပဲ။ ဒါတွေကို တပ်မက်မော 
ရင် နိဗ္ဗာန် ကို မရောက်နိုင်တော့ဘူး။
ရဟန်း__'ရေလယ်ခေါင်မြုပ်' ဆိုတာ ဘယ်လိုတုန်းဘုရား။
မြတ်စွာဘုရား__'ရေလယ်ခေါင်မြုပ်' ဆိုတာ အလွန်တပ်မက်မောတဲ့ လောဘတဏှာကို ခေါ်
တယ်။ သာမည တပ်မက်မောတာမဟုတ်ဘူး၊ အာရုံတစ်ခုကို မရမနေစွဲလန်းတပ်မက်  
တဲ့ တဏှာဖြစ်ရင် နိဗ္ဗာန်ကို ရောက်ဖို့ ဝေးပြီ။
ရဟန်း__'ကုန်းပေါ်သောင်ပေါ်တင်' ဆိုတာ ဘာပါလဲဘုရား။
မြတ်စွာဘုရား__'ကုန်းပေါ်သောင်ပေါ်တင်' ဆိုတာ က 'ငါဆိုမှငါ' ဆိုတဲ့ မာနကိုဆိုလိုတာပဲ။ 
မာနကြီးရင် နိဗ္ဗာန်ကို မရနိုင်တော့ဘူး။
ရဟန်း__'လူအဆယ်ခံရတယ်' ဆိုတာ ဘယ်လိုတုန်းဘုရား။
မြတ်စွာဘုရား__'လူအဆယ်ခံရတယ်' ဆိုတာက ဒီလောကမှာ တချို့ ရဟန်းတွေဟာ ရဟန်း 
ကိစ္စဖြစ်တဲ့ စာသင်ကြားခြင်းနဲ့  တရားအားထုတ်ခြင်းတွေကို မလုပ်ကြဘဲ လူတွေနဲ့ 
ရောရော နှောနှောနေပြီး လူမှုကိစ္စတွေနဲ့ ပဲ အချိန်ကုန်နေတာကို ဆိုလိုတယ်။  
အဲဒါကြောင့် နိဗ္ဗာန်ကို မရနိုင်ကြပြန်ဘူး။
ရဟန်း__'နတ်ဘီလူးတွေအဆယ်ခံရတယ်' ဆိုတာက ဘယ်လိုပါလဲဘုရား။
မြတ်စွာဘုရား__'နတ်ဘီလူးတွေအဆယ်ခံရတယ်' ဆိုတာက ဒီလောကမှာ တချို့ ပုဂ္ဂိုလ်တွေ 
ဟာ သီလဆောက်တည်ခြင်း၊ မြင့်မြတ်သော အကျင့်များကျင့်ခြင်း စတဲ့ကုသိုလ် 
ကောင်းမှု တွေ ပြုလုပ်ကြတယ်။ ဒီကုသိုလ်ကောင်းမှုကြောင့် နောင်ဘ၀မှာ သိကြား  
မင်း၊ နတ်သား၊ သိကြားမင်းမိဖုရား၊ နတ်သမီးစသည်ဖြစ်ပါရစေလို့  ဆုတောင်းမှားခဲ့  
ကြတယ်။ သူတို့ ပြုခဲ့သမျှ ကုသိုလ်ကောင်းမှု တွေဟာနတ်ဘ၀ဖြစ်ဖို့ နဲ့ ပဲ အားကုန်  
သွားလို့  နိဗ္ဗာန်ကိုရောက်အောင်မပို့နိုင်တော့ဘူး။ ရေထဲမှာ သစ်မွှေးတုံးတွေ မျောပါ
လာရင် နတ်ဘီလူးတွေက ဆယ်ယူပြီး သူတို့ဗိမာန်မှာ ထားတတ်ကြတယ်။ ဒီသစ်မွှေး 
တုံးဟာ သမုဒ္ဒရာထဲကို မရောက်နိုင်တော့သလို ဖြစ်တာကို 'နတ်ဘီလူးတွေအဆယ်ခံ 
ရတယ်' လို့  ဆိုလိုတာဖြစ်တယ်။
ရဟန်း__'၀ဲအလှည့်ခံရတယ်' ဆိုတာ ဘယ်လိုတုန်းဘုရား။
မြတ်စွာဘုရား__'၀ဲအလှည့်ခံရတယ်' ဆိုတာက ငါးပါးကုန်သော ကာမဂုဏ်တွေဖြစ်တဲ့ ရူပါရုံ၊  
ဂန္ဓာရုံ၊ သဒ္ဒါရုံ၊ ရသာရုံ၊ ဖေါဋ္ဌဗ္ဗာရုံ တို့ ကိုဆိုလိုတယ်။ ဒီအာရုံငါးပါး အနှောင်အဖွဲ့  
ကြားမှာ အချိန်ကုန်နေရင် ၀ဲအလှည့်ခံရပြီ၊ နိဗ္ဗာန်ကို မရောက်နိုင်တော့ဘူး။
ရဟန်း__'အတွင်းပုပ်' ဆိုတာ ဘာပါလဲဘုရား။
မြတ်စွာဘုရား__သစ်တုံးဟာ အတွင်းပိုင်းတွေ ပုပ်ဆွေးသွားရင် တစစီ ပျက်စီးသွားပြီး ပင် 
လယ်သမုဒ္ဒရာထဲကို မရောက်နိုင်တော့ဘူး၊ အဲဒီလိုပဲ ဒီလောကမှာ တချို့ က သီလမရှိ
ကြဘူး၊ သီလပျက်ပြီဆိုရင် မစင်ကြယ်တဲ့အလျောက် အယူမှားတွေ ဖြစ်ကုန်ကြတယ်၊  
သီလပျက်တဲ့ ပုဂ္ဂိုလ်ကို အတွင်းပုပ်လို့ ခေါ်တယ်။ အတွင်းပုပ်ဆွေးသွားတဲ့ သစ်တုံး  
ဟာ လှိုင်းရေနဲ့ ပျက်စီး သွားသလို သီလပျက်တဲ့ ပုဂ္ဂိုလ်ဟာလဲ အပါယ်လေးဘုံကို  
ရောက်ကြရတယ်။ နိဗ္ဗာန်ကို ဘယ်လိုနည်းနဲ့ မှ မရောက်တော့ဘူး။ ဒီအင်္ဂါရှစ်ချက်နဲ့  
ညီအောင် အားထုတ်ကြမယ်ဆိုရင် ၀ိပဿနာဥာဏ် သမ္မာဒိဋ္ဌိက သင်တို့ ကို နိဗ္ဗာန်  
ရောက်အောင် တွန်းပို့ ပေးမှာ ဖြစ်တယ်၊ မမေ့မလျော့ အားထုတ်ကြပေတော့။
ပရိဿတ်__မှန်လှပါဘုရား။
သာဓု သာဓု သာဓု

Posted by အေးဆက်

Saturday, March 5, 2011

ထေရဝါဒ ဓမ္မအသံစု (၁၀)

ကိုယ့်ကိုယ်ကိုများ ချစ်ပါရဲ့ လား / အရှင် ပညာဇောတ (တောင်စွန်း၊ ဓမ္မဒူတ) စစ်ကိုင်း၊1358 (B.E.)
မိမိကိုယ်မိမိ မည်သို့ ချစ်ရမည့်အကြောင်း၊ အန္တရာယ်လေးမျိုး၊ ကံနှင့်ဝိပါက်စသည်တိုႛကို  ဟာကြားထားပြီး ကောင်းမှုများကို ပြုလုပ်ကြပြီး မကောင်းမှုတို့ ကို ရှောင် ကြဉ်ကြရန် တိုက်တွန်းဟောကြားထားသည်။ <Dhammadownload Mp3 Disc 03: 04>
ကျောင်းလှူဒါန်းရ ကျိုးဖလ / အရှင် ပညာဇောတ (တောင်စွန်း၊ ဓမ္မဒူတ)ကျုံပျော်၊ 1357 (B.E.)
ကျောင်းလေးမျိုးနှင့် ကျောင်းလှူဒါန်းရခြင်း၏အကျိုးကိုဥပမာဇာတ်ကြောင်းဖြင့်ရှင်းလင်း     
 ဟာကြားထားသည်။ <Dhammadownload Mp3 Disc 03: 03>
ခန္ဓာဝန်ထမ်း / ဒေါက်တာ အရှင် ပညိဿရ (ဓမ္မဒူတ) ပဲခူး၊ Aug 1, 2006.
ဝိပဿနာတရား အားထုတ်ရခြင်း၏ အကြောင်းရင်းကို ရှင်းလင်းထားသည်။ ထို့ ပြင်၊ 
"ဘာရသုတ္တန်" လာ ခန္ဓာငါးပါး၊ ခန္ဓာဝန်ထုပ်ကို ထမ်းဆောင်ထားရသောဆင်းရဲ၊ သတ္တ၀ါများ 
ခန္ဓာ ရရှိကြောင်း၊ တဏှာပယ်သတ်ခြင်း၊ ချမ်းသာခြင်းနှင့် ဆင်းရဲခြင်း စသည်တို့ ကိုလည်း စုံလင်စွာဟောကြားထားသည်။ <Dhammadownload 028>
တစ်ကြိမ်လှူရ မြတ်ဒါန / ဒေါက်တာ အရှင် ပညိဿရ (ဓမ္မဒူတ) ပဲခူး၊ Apr 7, 2006.
စိတ်ထားကောင်းဖြင့် ဒါနပြုရေး၊ ဒါနအထမြောက်ရန် လိုအပ်ချက်များနှင့်အကျိုးကျေးဇူး 
အမျိုးမျိုး တို့ ကို အစာငတ်မွတ်ခေါင်းပါးခြင်းဘေးဒုက္ခနှင့် ကြုံနေခိုက် မိမိတို့ ၏အသားကို 
ဆွမ်းအလှူအဖြစ် ဖန်တီးလှူဒါန်းရန် အသီးသီးကြံစည်ကြသည့် ဇနီးမောင်နှံနှစ်ဦးတို့ ၏ အကြောင်းဖြစ်သော"ဝတ္တုလပဗ္ဗတ" ဇာတ်ကြောင်းဥပမာ ပြလျက် ဟောကြားထားသည်။  <Dhammadownload 015>
နူးညံ့သော၊ သိမ်မွေ့ သော၊ အားကြီးသော / ဦးသုမင်္ဂလ (ဒယ်အိုးဆရာတော်)ကန်ကြီးထောင့်၊  
Jan 22, 2009.
ဓမ္မသည် နူးညံ့ သိမ်မွေ့ ကြောင်း၊ ဘာသာတရား ကိုင်းရှိုင်းသူများသည် မိမိတို့  နည်းတူ
ဖြစ်စေရန် တစ်ပါးသူများအား တိုက်တွန်းကြပုံကို "သုဝဏ္ဏမိဂဇာတက" နမူနာပြလျက်
ဟောကြားထားပြီး သာသနာ၏ မှတ်တိုင်လေးရပ်ကိုလည်း ညွှန်ပြ ထားသည်။ 
ပကတိမြွေနှင့် တိုက်မြွေဥပမာပြ အလုပ်ပေးတရားတော် / ဦးဝိမလ (မိုးကုတ်ဆရာတော်) [ခုနှစ်မရှိ]
မဂ္ဂင်ငါးပါးဖြင့် ခန္ဓာဥာဏ်ရောက် မပြတ်မလပ် စောင့်၍ရှုကြည့်လျှင် ခန္ဓာက အနိစ္စကို ဖေၞပြ 
မည့်အကြောင်း ရှင်းလင်းဟောကြားထားသည်။ <Dhammadownload အလုပ်ပေး (): 03>
မှာတမ်းတော် / ဦးသုမင်္ဂလ (ဒယ်အိုးဆရာတော်) မန္တလေး၊ Aug 12, 2006.
သာသနာနှင့် တွေ့ ကြုံရခြင်း၏ တန်ဖိုး၊ ပဋိစ္စသမုပ္ပါဒ်တရား၊ တဏှာနှင့်ဝေဒနာ အဆက်
အစပ်ကို ဥာဏ်ဖြင့်ဖြတ်တောက်ပစ်ရန် စသည်တို့ ကို ဟောကြားထားသည်။  
ဝိပဿနာယောဂီ လေးမျိုးတရားတော် / ဦးဝိမလ (မိုးကုတ်ဆရာတော်)အမရပူရ၊ Oct 11, 1957.
ဝိပဿနာယောဂီ အမျိုးအစား ခွဲခြားပြခြင်း၊ ယခုဘ၀တွင် နိဗ္ဗာန်ကို မြင်နိုင်သူများ နှင့် ၀ိပဿနာကျင့်စဉ်တို့ ကို ဟောကြားထားသည်။ <Dhammadownload Mp3 Disc 03: 11>
အတ္တခြောက်မျိုး တရားတော် / အရှင် ဇနကာဘိဝံသ (ချမ်းမြေ့ဆရာတော်) ရန်ကုန်၊ Aug 27, 2001.
အတ္တ၏အဓိပ္ပါယ်နှင့် ခြောက်မျိုးသော အတ္တတို့ ကို ပြည့်စုံစွာ ရှင်းလင်းဟောကြားထားသည်။ <Dhammadownload Mp3 Disc 03: 03>
အတ္တဒိဋ္ဌိနှင့် သက္ကာယဒိဋ္ဌိ တရားတော် / အရှင် ဇနကာဘိဝံသ (ချမ်းမြေ့ဆရာတော်)ရန်ကုန်၊ 
[ခုနှစ်မရှိ]
သတိပဋ္ဌာန် ကျင့်ကြံအားထုတ်ခြင်း၏ အကျိုးတရားများ၊ ကိလေသာဆယ်ပါး၊ အတ္တဒိဋ္ဌိနှင့်
သက္ကာယဒိဋ္ဌိ ပယ်သတ်ခြင်း စသည်တို့ ကို ဟောကြားထားသည်။<Dhammadownload Mp3  Disc 03: 04>


Posted by  ဉာဏ်ဦး၊ အေးဆက်